සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
කතරගම දේවාලයට පිටුපසින් පිහිටි බෝධීන් වහන්සේ උඩට නැග කලහකාරී ලෙස හැසිරුණු බව කියන තරුණයෙකු අද (25) දහවල් පොලිසිය විසින් අත්අඩංගුවට ගෙන තිබෙනවා.
මෙම පුද්ගලයා කැබැල්ලව ප්‍රදේශයේ පදිංචි තරුණයෙකු බවටයි හඳුනාගෙන ඇත්තේ.
තරුණයා බෝධිය උඩට නැග විවිධ ඉල්ලීම් කරමින් සිට ඇති අතර, එම අවස්ථාවේදී ඔහු පරුෂ වචනයෙන් බැන වදිමින් අශෝභන ලෙස හැසිරී තිබෙනවා.
අනතුරුව, කතරගම පොලිස් ස්ථානාධිපතිවරයාගේ උපදෙස් මත ක්‍රියාත්මක වූ සිවිල් ආරක්ෂක භටයින් විසින් සුක්ෂම ලෙස එම තරුණයා ගසෙන් පහළට බස්සවා ගැනීමට කටයුතු කළ බවයි අප වාර්තාරු පැවසුවේ.
කෙසේ වෙතත්, ගසින් බැසගත් වහාම ඔහු සිවිල් ආරක්ෂක භටයින්ට පහර දීමට තැත් කර ඇති අතර, පසුව වැඩිදුර පරීක්ෂණ සඳහා කතරගම දේවාල මුරපොල වෙත භාර දී ඇති බව පොලිසිය සඳහන් කළා.
Post a Comment